Yn ddinas ag iddi borthladd, mae Caerdydd heb os yn ganolbwynt ar gyfer gemau; yn ystod dyddiau a fu, daeth morwyr â gemau cardiau newydd i’r ddinas, ac erbyn hyn mae pobl o bob oed yn chwarae gemau ar y rhwydwaith ddigidol, gyda’u peiriannau X-box. Mae gemau o’r fath yn gyfle i gymysgu a chymdeithasu, ac yn fan lle gall y dychymyg flodeuo a datblygu. Er bod gemau digidol bellach yn rhan o ddiwydiant sydd yn fwy hyd yn oed na diwydiant ffilm Hollywood, mae pobl ifainc yn dychwelyd at y gemau cardiau mwy traddodiadol – mae i’r gemau hynny, wedi’r cyfan, lefel o gyfeillgarwch ac agosatrwydd dynol na all y Playstation fyth mo’i efelychu.

Mae’r artistiaid Grennan a Sperandio, fel gwesteion gwadd, wedi dyfeisio gêm gardiau newydd i Gaerdydd. Fe fydd gan y gêm newydd hon gyfuniad unigryw o reolau – ac fe fydd hi’n hwyl i’w chwarae. Mae nodweddion a hunaniaeth y gêm yn deillio o gyfarfodydd a sgyrsiau â phobl o bobman. Mae’r gêm newydd hon wedi’i bwriadu fel adlewyrchiad a phortread o Gaerdydd, prifddinas hynafol a chyfoes.

Teitl gweithiol y gêm yw DWYN, ac fe fydd y gêm yn adlewyrchu holl agweddau’r gair hwnnw. R’yn ni wedi dychmygu DWYN fel gêm fywiog, fydd yn llawn o gyfnewid cardiau. Mae yna nifer o agweddau pendant a phenodol i’r gêm. Dyma’r cynllun ar gyfer y cefn, neu’r ‘ochr gyffredin’.

Mae cardiau DWYN yn ffurfio’n becyn o chwe siwt. Mae’r siwtiau wedi’u rhannu’n dri lliw, coch, du a gwyrdd. Yn ogystal â chardiau plaen ag arnyn nhw rifau, mae’r ffigyrau ar y cardiau’n cynrychioli cymeriadau o hanes Cymru ac o ddiwylliant poblogaidd.

Daeth Dwyn i fod o ganlyniad i gyfnod preswyl yr artistiaid yng ng?yl May You Live In Interesting Times, G?yl Technoleg Greadigol. Cefnogir y cyfnod preswyl gan Cywaith Cymru.

T?R - Helen o Gymru

PÊL RYGBI – Chwaraewr Rygbi

PENGLOG - Capten Morgan

TARIAN - Owain Glynd?r

CAIB A RHAW GLÖWR - glöwr o’r 19eg ganrif

DEILEN - Ceridwen, Duwies Natur Mytholeg Geltaidd

CEFN - neu’r ‘ochr gyffredin’.

Enw


Cyfeiriad E-bost (dewisol)


Eich barn:
Teipiwch eich sylwadau fan hyn

YNGLYN Â GRENNAN A SPERANDIO

Ers 1990, mae’r awduron, yr artistiaid a’r cynhyrchwyr, Grennan a Sperandio, wedi gweithio mewn nifer o gyfryngau gwahanol gan gynnwys teledu, bariau siocled, llyfrau comic a’r we. Dewch i ymweld â ni ar-lein ar Kartoonkings.com.